成龍60大壽：拍賣會星光熠熠　勁多韓星

今日是成龍正日生日，為慶祝60歲大壽，成龍舉行一連串活動，繼昨晚於北京的慈善群星演唱會後，今晚再於北京舉行慈善拍賣會。一眾日、韓及內地等明星紛紛到場支持，並現身會場紅地氈，當中包括「韓星幫」鄭雨盛、崔始源、李準基、李勝基、李炳憲，以及李冰冰、趙本山、趙文卓夫婦、黃渤、葛優、韓庚及姚星彤等。諸葛紫岐更在英皇老闆楊受成陪同下進場，冰冰則以連身透視長裙壓軸上陣，星光熠熠。

壽星公成龍透露今晚將拍賣一部白色林寶堅尼，該車屬特別訂製，車內刻有成龍的名字，他表示希望拍賣會可籌得六至七百萬善款。成龍笑言林寶堅尼是他的dream car：「年少時做武師已識車，林寶堅尼更加係我嘅dream car。後來喺美國試過買人借嚟過手癮，（當時）知道要成十幾萬一部，但我都冇買，將錢用嚟買咗屋，所以呢架車，永遠係我嘅dream car！」