鍾嘉欣拒用男友附屬卡：結婚前財政獨立

藝人鍾嘉欣今日到尖沙咀出席信用卡宣傳活動。喜歡自己使自己錢的嘉欣指沒有男友的附屬卡：「結咗婚先，結婚前最好都係財政獨立，婚後先商量。」問到嘉欣有否試過「碌爆卡」，她就坦言試過：「好多時候（碌爆）。（太細簽賬額？）唔係呀，已經每次加碼。過時過節就最易碌爆卡嘅，因為要買嘢畀屋企人。」又話自己最多試過碌六位數字。

記者會上大晒早前在韓購入戒指的嘉欣就表示自己曾收過男朋友送的情侶戒指：「呢啲通常都係男仔送。（呢個男朋友送？）唔講啦。（即係唔係佢？）唔講。」她又覺得求婚、結婚不能操之過急：「到其時就有諗法，我唔係個好plan嘅人。」

至於明天生日的嘉欣，表示最想收到的禮物竟然是錢：「想將收到嘅錢捐出去孤兒院，已經搵到間O架喇。（香港？）係呀。」又表示未來想開慈善基金幫助有需要的人。