胡定欣厭倦負評　微博爆SEED：低俗

明星藝人們面對網友的惡意留言往往都要沉得住氣，以強勁嘅EQ去面對。不過今次胡定欣面對網友嘅中傷同辱罵，終於忍唔住要爆發！

佢喺微博好激動咁話：「你討厭我，我沒有問題的，這是個人喜好，對我沒影響！如果你生活壓力太大，在我微博傷害我可令你舒服些，希望這平台幫到你！」更表示：「否則……不要再浪費時間心機精神去關注一位你那麼那麼那麼討厭的人！！又要Upload我的相，又要寫那麼多低俗字眼傷害我！傷人，傷己，又傷神！這只會令你負面的情緒更嚴重！！不值得！！祝生活愉快！」

胡杏兒挺身力撐

胡杏兒見狀，亦立即挺身力撐好姊妹定欣：「四妹，正如你所說，沒關係的，在這個平台上還有很多人是真正愛你和關心你的，我們需要的是正能量！！ 」之後定欣接受電話訪問時回應事件，坦言已對負面留言感到生厭：「好過份，睇到啲評論係好煩，我冇嬲，每日一打開個微博又見到唔好嘅字眼。冇影響到我，只係令人生厭。」雖然負面評論不絕於耳，不過仍有不少粉絲留言力撐胡定欣，並在微博隔空送暖謂：「愛你的人比罵你的人多，加油﹗」