王祖藍新戲咀無牙伯伯

由王晶投資、錢國偉執導的新戲《黑色喜劇》即將上映，主角王祖藍夥拍杜汶澤、詹瑞文及童菲，演繹一場搞笑式的天使與魔鬼對決！祖藍說:「今次係講一個生活唔如意嘅警察，為咗過更好嘅生活、識更好嘅女朋友，就將靈魂賣左畀魔鬼(杜汶澤)，做左一連串搞笑事出嚟！」

祖藍表示，阿澤為了令電影更具喜劇效果，臨時加了一幕「咀戲」給祖藍，祖藍說：「佢拍拍吓臨時加場咀阿伯嘅戲！(真係咀？)咀咗，個阿伯連牙都無架啦！我真係多謝哂杜汶澤！」。被問到由好人變成壞人中有否拍到艷福不淺的戲？他說:「同童菲有對手戲，戲中我有好多女朋友，有純情、野性等等，但全部都係童菲去做！」，至於今次的角色有何特別之處？他說:「今次表達嘅方式比較誇張，都係搞笑！」，他又表示搞笑已深入人民心，未來也繼續拍喜劇，而且喜劇有很多種，可以是笑中有淚。