吳卓羲最錫工作人員唔會爆粗

20140412
東網電視
更多新聞短片
吳卓羲表示對工作人員個個都咁錫。
藝人陳展鵬及吳卓羲(Ron)等現身葵芳為無綫劇集《叛逃》結局篇谷收視,二人鬥「拗手瓜」,最後由Ron勝出,展鵬被罰掌上壓,令粉絲叫爆商場。
問剛由泰國旅行「叉電」返港的Ron有否被無綫前PA(助導)出書批評而影響心情?他說:「冇唔開心,我覺得係一件好笑嘅事,係對方嘅宣傳方法。無謂再幫嗰位仁兄做宣傳,拍《四大名捕》都要對足三個半月,但我真係對佢冇印象,(驚唔驚影響形象?)我問心無愧!個個(工作人員)都錫!」對於工作太辛苦會否爆粗?他坦言會講粗口,但強調不會用來罵人:「我有講,但我唔會無端端爆粗鬧人,唔會對住人講。」
至於展鵬則指這位前無綫前PA的宣傳手法了得:「佢出書當然會寫古靈精怪嘅嘢,唔通話藝人好錫工作人員咩?噱頭同宣傳都幾好,祝佢新書『賣得』!(有冇聽過Ron及林峯爆粗鬧工作人員?)冇聽過。」