金像獎：張晉奪男配　老婆蔡少芬有求必應

勇奪「最佳男配角」的張晉與老婆蔡少芬（Ada）雙雙於後台接受訪問，老公攞獎Ada開心得對記者有求必應，錫老公、攬老公等指定動作全部做齊，撐老公撐到底。Ada更開心表示：「今日非常開心，當頒獎嘉賓係度講緊嘢嘅時侯，我個心卜卜跳，仲不停係心入面叫張晉、張晉…當佢哋叫到張晉果陣，我成個人靜止咗，唔識反應！」而得獎的張晉笑言：「其實我都有偷偷想像過如果我攞獎會點，點知真係叫到我時，我緊張到隻手唔知放係邊，上台講嘢仲亂七八糟，唔知有無講錯嘢！」