張栢芝自爆做小三　「躲於衣櫃裏」避正印

張栢芝接受電台訪問，講到初戀的回憶，栢芝以「烚下烚下食甜筒」來自嘲：「我第一次分手好傷心，但我唔會鎅手，嗰時喺澳洲，男友瞞住我原來有個女朋友，我就變咗第三者，有次佢女朋友上嚟屋企，一撳鐘，男朋友就推咗我入衣櫃，我仲要喺入面見到佢哋兩個情情塔塔咁，當時好似梁漢文首歌咁『躲於衣櫃裏』。」

不過，栢芝就話因為自己不希望傷害到任何人，所以沒有即時從衣櫃裏衝出來，又話：「我見到男朋友想帶個女仔走，但女仔又唔係好想走，其實個女仔都好慘，我就喺衣櫃入面個半鐘，差啲瞓着。」

栢芝又指女仔會隨住年紀成長，愛情觀又會改變，她說：「到你廿八、九歲，就會想穩定，生BB，本身想搵白馬王子，但當遇到個照顧到妳，就會覺得唔好煩喇。」