馬浚偉唔靠打針僭建腹肌

馬浚偉出席新城訪問宣傳與陳法拉合唱的新歌《非戀之情》，馬浚偉透露今次是友情邀請法拉一齊合唱，稍後更會拍MV。講到兩人可出外登台搵銀？馬仔笑言：「係呀，本來想搵埋阿妹（法拉）去美加登台，但佢又冇期，想塞錢畀佢，佢都唔袋。」又合唱又拍MV，如何報答法拉？馬仔笑謂：「請佢食飯，封利是仔咁啦！」講到上次突發性血壓急升至180，馬仔稱醫生都未知道病因，所以待稍後韓國回港後會作詳細檢查。至於去韓國旅行，馬仔坦言：「我係去買衫唔係去整容。（唔整樣去打啲腹肌針？）我有聽過連胸肌都可以打，但我真係唔會咁無聊做呢啲嘢，要嘅我會自己練番嚟。」