張智霖剝衫晒「山寨肌」被噓爆

「Cool魔」張智霖（Chilam）為七月在紅館舉行的一連三場《CHILAM CRAZY HOURS LIVE 2014》演唱會舉行記者招待會，Chilam在台上表示正為演唱會積極操練，更即場上演「脫衣騷」，解開裇衫鈕扣大騷六舊「山寨腹肌」，令到台下引頸以待的傳媒紛紛報以噓聲，場面搞笑。Chilam之後又在台上炮製爆谷，寓意演唱會票房大賣。

開騷先晒真肌

Chilam接受訪問時被問到為何不騷真肌？他說：「今日唔可以將所有嘢show出嚟，要喺演唱會表露無遺。」他指現在努力操弗自己，已減了10磅。Chilam又表示這次演唱會會開四面台，會落台和觀眾握手互動。而演唱會主題是Crazy Hours，希望港人入場睇騷可以減壓：「香港市民經歷好crazy年代，生活上好有壓力，希望佢哋可以趁演唱會嗰晚釋放負能量，開心番一晚。」

Chilam曾透露上次演唱會因為操肌令到脾氣暴躁，承認老婆袁詠儀（靚靚）因此受罪，問到他這次再操是否難為了老婆？他笑說：「佢今次趁我操肌肉去咗拍劇，（發洩落個仔度？）我邊捨得！同埋經過上次經驗，我會好好多。」

他又指老婆會趕及拍完劇睇騷，更自信地指老婆見到他弗爆身形一定會眼前一亮：「佢返來見到我應該會為我着迷，Crazy for me！」