杜汶澤激嬲祖兒後勁笠水：你哋Chok少我兩句啦

杜汶澤自衰多口激嬲容祖兒後，一直未有親自回應事件，對於「搞氣氛搞出禍」，阿澤出席活動時，被問到以後可會說話小心點時？他表示：「一路以嚟做人宗旨都係有碗話碗，有碟話碟，但話就咁講，以後工作以外都係少講為妙。」

提及祖兒表示沒有收過他的道歉電話？阿澤表示：「呢個唔回應啦，只講工作以內嘅嘢，工作以外唔講咁多。（唔想快啲和好如初？）工作以外唔講啦！」問到與祖兒同公司會否感尷尬，阿澤繼續迴避表示：「工作以外唔多講。」講到老闆楊受成指兩人是小朋友嗌交？阿澤謂：「楊生大人物，講嘢係大人物嘅回應，我哋小朋友唔應該回應大人物講嘅嘢。」阿澤最後更以抵死的方式向傳媒求饒謂：「你哋Chok少我兩句，我咪講少兩句囉。」

另一眾藝人和電影公司員工到台上準備祝酒時，莊澄向後退時，竟因一時站不穩坐在地上，伊健及身邊人見狀即把他扶起，幸好沒有大礙。