黃心穎學唱歌備戰新《星夢》

無綫藝人黃心穎現身太古城出席日式超市宣傳活動，她表示素來喜歡親自入廚，更經常逛超市，她說：「鍾意行超市買嘢，廚藝都見得人，最鍾意煮中菜。（鍾意為男友煮飯仔？）以前情人節試過煮牛扒，不過依家冇對象。我想去讀烹飪班，近排都想學唱歌、演戲，充實自己。（想參加新一輯《星夢傳奇》？）想㗎！上次已經想，不過驚面對評判，所以唔敢參加。但我想試唔同嘅嘢，想突破自己。」