田蕊妮性感過頭　蘇永康：正所謂朋友妻不可窺

田蕊妮入行二十年，終於如願舉行演唱會，老公杜汶澤則化身「機佬」全程為老婆影靚相。

一開場阿田穿着白色睡衣坐在廁所獻唱，之後她脫去白色睡衣，露出「打底」的黑色開叉低胸長裙，並大騷長腿，極之性感。之後阿田請蘇永康上台合唱，連蘇永康都笑言不敢斜視：「我同你老公係好朋友，我唔係幾好意思望你頸對下。」阿田即表示自己頸對下是腰，但蘇永康仍說：「正所謂朋友妻不可窺。」阿田又在台上大爆蘇永康向她老公傳短訊，大讚阿田唱得好，更激動得爆粗：「有日我老公畀whatsapp我睇，係蘇永康send嚟，佢話：『澤兄，你老婆唱歌真係好X好聽！』，我聽(睇)完醒一醒，唔係因為聽(睇)到嗰個低俗而有文化嘅用語。」在旁的蘇永康即說：「嗰個唔低俗㗎。」

之後阿田又換上緊身舞衣和4名男dancers跳舞，不過舞步只是點到即止。阿田之後又請來師弟蔣卓嘉上台合唱，阿田指師弟懂得彈結他好有型，又以「彈結他」講笑話揶揄老公謂：「我很喜歡男生會彈結他，好想老公可以彈結他，但他只會彈人家。」引來台下大笑。