何雁詩出碟 目標做最佳新人

20140420
東網電視
更多新聞短片
何雁詩早前歐遊喪買波鞋。
藝人何雁詩出席商場復活節,早前去了歐遊的她表示用了5位數字買名牌波鞋,她笑說:「有得退稅真係平好多。(點解淨係買波鞋?)因為平時淘寶實在太多嘢買喇!」
正在為新歌宣傳的她被問到緋聞男友許廷鏗有否給意見?她說:「冇喎!可能仲未plug歌,未收到太多朋友嘅反應,不過我之前都問過許廷鏗、胡鴻鈞、吳業坤意見,佢哋都話首歌好啱我,好有少女情懷。(會角逐今年新人獎?)應該會,雖然我唔清楚所有電台制度,但係我會今年8月出第一隻碟,依家仲差2、3首歌就會完成。(新人獎有信心?)都有㗎!我自己今年目標係做最佳新人,達唔達到就唔知喇!阿Fred(鄭俊弘)同羅孝勇都係今年新人,角逐新人獎嘅都係圈內人,希望金、銀、銅獎都係自己人攞啦!同埋希望買碟嘅fans一次過買晒我哋啲碟,支持吓。」
她又表示日前坤哥吳業坤生日,成班巨聲幫去了唱k慶祝,她笑言個個都爭咪唱歌:「不停咁畀人插歌唱。」