馬詩慧支持女兒王曼喜「攣情」

王敏德與名模馬詩慧的長女王曼喜，與外藉「茄輪蜜友」再戰蘇豪，雙方「上下其手」愈玩愈High，曼喜更玩到剝衫露Bra帶！

早前曼喜被拍得與外籍洋妞公園「茄輪舌戰」，事後獲母親馬詩慧力撐真心就無問題。有母親開綠燈，曼喜與洋妞關係愈見公開，在與母親及細佬遊船河後，晚上即到蘇豪區與洋妞再爆「蜜戰」。凌晨曼喜與一亞洲籍女友人搭膊頭夜遊蘇豪，及後她們行至一酒吧門口會合曼喜的「茄輪蜜友」洋妞，兩人一見面即忘我攬實，洋妞更從後雙手熊抱挾實曼喜豐胸，惟曼喜見街上人來人往而面紅尷尬，欲拒還迎般「掙脫」洋妞懷抱。

曼喜當眾插洋妞

轉場時曼喜與洋妞手拖手晒恩愛，到達夜店後自言戒煙的曼喜一坐低即時抽煙，未幾更獲一名外籍男士上前搭訕，惟此時洋妞即變「護花使者」，與該男士傾了幾句便「送」走了該男士。為免再次打擾雅興，她們從舖外改坐到舖內暗角繼續耍樂，眾人愈飲愈High，曼喜公然將手插在洋妞的後褲袋內，玩到咁高慶曼喜即剝去格仔上衣，在白色底衫下露出螢光綠Bra帶，場面香艷。玩多近一小時後，曼喜與洋妞及一女友人登上的士，直駛西環洋妞寓所，到清晨時仍未見曼喜離開。

收線後嚴刑逼供

當記者致電馬詩慧時，她表示支持女兒的選擇：「我都係想小朋友開心，我哋就開心。愛係唔可以用線去界定，男女、年齡都係冇限。（曼喜同洋妞正式拍拖？）以我所知佢哋係好朋友。咁Hang Out（一齊玩）算不算拍拖？」當記者指如是穩定Hang Out應算是拍拖時，她說：「咁算係囉！」

馬詩慧又透露已見過該洋妞，但不會經常來往，因她不需要知道女兒朋友的生活，亦會刻意相約對方食飯。至於曼喜吸煙，馬詩慧則堅決反對：「呢個我收線後就會向佢嚴刑逼供，之前問過佢幾次，佢都話冇食，我會再同佢講。」