羅蘭自爆「撞鬼」事件

「龍婆」羅蘭一直「與鬼有緣」，是香港鬼片的鐵膽，她表示拍鬼片時常有「趣」事發生。羅蘭姐某次跟「鬼王」雷宇揚合作，要到和合石拍攝！和合石最出名就是墳場，羅蘭姐自然怕怕，帶定十字架旁身。誰不知下車時羅蘭姐發現左右都是公屋居屋，大街又乾乾淨淨，純粹自己嚇自己！但怪事永遠就在鬆懈時發生，羅蘭姐食宵夜時發現街角有個人「飄飄吓」，她首先叫自己望清楚先，然後打算不了了之，但羅蘭姐說：「半個鐘後嗰個物體又喺嗰邊飄飄吓，報紙喺佢後面揚吓揚吓，然後佢就行番入去裡面，而裡面原來真係墳場！我到依家都唔知嗰個係人定係精神有問題！」