李思捷聞拖女上房發晦氣：拖咗百幾個！

呂珊現身錄音室為《情兩牽》演唱會進行綵排，並找來好友李思捷現身支持，思捷稱跟珊姐認識多年，知道她開騷一定會支持，他說：「叫我做咩就做，到時唔會整蠱佢，最多唔着衫走上台。」

另有報道指日前他出席完自己的生日Party後拖三女上酒店房，對此思捷發晦氣的表示：「我唔認，點止三個，我拖咗百幾個，其中有十個係荷里活巨星，好似茱莉亞羅拔絲咁，不過佢早走，冇玩到尾。我仲唔止玩天光，成百幾個咩都玩晒，連方法演技都玩埋。」