黎耀祥新劇被抽起　誓言唔再扮豬八戒

黎耀祥出席無綫外購劇《西遊記》記招，15年前曾扮演豬八戒的他，笑言諗起當年拍攝都辛苦，並高呼：「打死都唔會再拍！始終年紀唔同，心態上、對角色理解我諗15年前拍係最好，因為豬八戒講嘢得意又啜核，依家成熟咗做唔返，但我諗我係史上最靚嘅豬！」他又表示不怕與新版作比較，認為不同年代、科技進步冇得比，又謂看透過該劇參考別人的技術。

談到無綫罕有在黃金檔播大陸劇，他說：「冇所謂，長命功夫長命做，冇話我哋霸哂嚟做，電視係要健康咁發展，應該多啲選擇畀觀眾，係良性競爭。」對於主演《載得有情人》臨時被抽起改播《西遊記》，祥仔表示冇所謂，自言只享受拍攝過程：「幾時播、成績點都冇介懷，抽起實有原因，公司睇過我套劇都話好，我唔擔心出嘅時段。」