萬綺雯唔清楚亞視入稟清盤：無人同我講

藝人萬綺雯（蚊蚊）現身梁乃鵬博士歡宴《食為奴》台前幕後仝人活動，提到亞視被入稟清盤，蚊蚊表示不清楚詳情：「我唔知，都冇睇到新聞。（有冇聽舊同事講？）無人WHATSAPP我，無人同我講。（擔心舊同事飯碗？）當然想大家都有工作，但唔到我擔心。（慶幸自己走咗？）冇話慶唔慶幸，相信件事係有好多因素，我唔評論啦。」蚊蚊更因為短期內失去兩隻愛貓，傷心的她更爆喊多日導致生眼瘡，導致她今晚以眼鏡示人，她表示聽日將會睇醫生了解情況，未知會否影響開工。