宣萱為事業放棄愛情唔後悔

藝人宣萱亮相有線節目《陳啟泰．吳綺莉不老的傳說》，與主持吳綺莉大談過往的戀愛經歷，宣萱自爆20多歲時，有一位拍拖6年穩定男友，雙方已到談婚論嫁階段，但宣萱因事業心重，情願放棄愛情，宣萱說：「佢（男友）同我提過結婚，當時係我事業高峰，佢講到明如果結婚，我唔可以再做呢行，要生小朋友，安心做媽咪。我問自己如果行咗呢步（結婚），事業就去唔到個peak（高峰），我會唔會內疚？我好快就答自己『會！』，所以最終選擇咗事業，我到依家都無後悔！」

宣萱自評是個用情很深的人，她說：「我廿幾歲時，會傻到只要對方對我好少少，我就覺得對方係個大好人。不過去到呢個年紀，會識分一個人係真心定假意。我係一個用情好深嘅人，當我想永遠同對方一齊，我先會同佢拍拖，所以分手時會特別傷。試過傷得好重，有幾個月到一年情願無拖拍，都唔想再經歷失戀後不斷喊、好辛苦嗰種感覺。」受過情傷的宣萱，現時單身，但揚言不會對愛情失去信心，她說：「Never give up！人生苦短，我會放開懷抱，繼續嘗試，最緊要搵到個啱key嘅人。」