古天樂大讚為食「囡囡」好可愛

型男古天樂（古仔）出席電影《香港仔》主角見面會，席間，眾人又與觀眾大玩遊戲，看到假扮戲中囡囡的小女孩時，古仔即抵死笑指：「佢扮紙紮公仔？」全場笑爆！

談到飾演其女兒的小演員，他指對方性格活潑，大讚為食的「囡囡」很可愛，又坦言很喜歡小朋友：「佢一邊拍一邊話未食嘢好餓，我就即刻搵人買畀佢食，點知食完又話好飽想瞓覺。」對於吳孟達（達叔）早前心臟發炎入院，古仔希望達叔早日康復。