傅嘉莉做醜女　醜得開心

剛播完的電視劇《愛我請留言》獲不俗口碑，有份參演的名模傅嘉莉（Kelly）重返曾拍外景的旺角街頭，有市民叫其劇中角色「皎妃」，令她十分開心，坦言變身醜女也值得：「當初模特兒公司反對我接呢個角色，因為要化好誇張嘅妝，啲衫又老土，仲要做啲好浮誇嘅表情，公司怕影響形象，但我鍾意新嘗試，最後成功說服公司。」Kelly笑言每次化身皎妃後，也不敢照鏡，同事見到她也不禁問句：「你搞咩呀？」雖然被醜化，但Kelly覺得很好玩：「可能我幾有喜劇潛質，多謝監製畀呢個機會我，仲有同劇對手關禮傑，佢幫咗我好多。」