廖碧兒行山唔搵「外籍男友」：佢唔係住香港

藝人廖碧兒出席新書發布會時大騷長腿，身型變得更Fit的她坦言近期培養行山習慣，表示是一個約定，解釋：「我每逢星期六，曰都係大陸工作，咁啱今個周末返得切嚟咪同埋爹哋一齊行山，佢行得叻過我，可能佢打個Golf，行五個幾鐘都冇問題，我真係好渣！（行到腳軟？）咁又冇！不過行到喘氣，我有次行到心跳，想坐低，即係畀行山友鬧，但我真係行到頂唔順。」

她大爆行山友中包括周潤發與苟芸慧，表示大家有共同朋友，說：「如果冇行山友鼓勵，我諗行行下會唔見咗我，有人鼓勵會好啲，尤其是發哥咁靚仔，有佢鼓勵，第二度氣都返嚟！」她笑言不行山都不知自己身體差，問到紅酒外藉男有否同行行山？她笑言：「冇外藉人士，而且佢都唔係住香港。（咁佢有冇讚你Fit咗？）冇！因為佢都唔喺香港。（你哋係咪拍拖？）係朋友。（觀察中？）係認識中。」