台灣騷本錢　楊丞琳晒素顏網友激讚

阿佘晒靚樣，台灣都有人晒，佢就係楊丞琳！楊丞琳仲有一個多月就步入30歲，雖然已經不再係「少女」，但一向keep得好嘅丞琳就依然童顏，更鍾意不時上載素顏相，大騷本錢！丞琳今次就上載素顏正面照，皮膚白滑無瑕，半條紋都搵唔到，簡直可以揮低啲十八廿二嘅o靚妹！而佢自己都留言話：「臉很素！」很素但是很美，丞琳嘅素顏照即刻贏得眾多粉絲大讚，仲叫佢做女神o添呀！