傳被富商追求　張慧儀：佢對我同阿仔好好

張慧儀與江欣燕出席電台訪問時，透露早幾日約了對方一齊睇有份主演的新劇《女人俱樂部》，好高興可以一同參與新劇，問到會否擔心收視率？江欣燕話：「收視唔重要！大家拍得好開心！」兩人表示好感激曾志偉，揚言要請志偉食返餐好的。

張慧儀對於有雜誌爆富商力追一事，她坦言現階段是朋友，上次只是傾一下合作生意，不諱言囝囝才是最緊要：「唔止係指羅生，個個對象都係，一定要好錫我個仔！咁佢都對我同阿仔好好！」問到會否加分？她就叫大家畀啲空間。而在旁的江欣燕就恭喜她:「都無人approach我！」問到有咩擇偶條件？她坦言:「錫我啲貓同珍惜我就夠喇！」