佘詩曼最愛黃渤版孫悟空

佘詩曼現身新劇《使徒行者》煞科飯局，體形比以前更纖瘦的她說：「希望拍完個劇可以肥番，拍呢個劇唔算辛苦，係有啲唔適應，好多動作戲，其實接出面啲劇都係要時間適應，拍完呢個劇，我會繼續有啲散Job做，當係放假喇！」

對於無綫正在播映的外購劇《西遊記》成為網民熱話，阿佘說：「我冇時間睇，等我返去都睇吓，個男演員我識，合作過《建元風雲》，我知佢拍呢個劇，化妝都要用好長時間，佢哋都付出咗好多。」

問喜歡那個版本的孫悟空，會否是陳浩民演出的版本？她說：「我都唔知有邊幾個版本！我鍾意周星馳導演《西遊．降魔篇》黃渤個版本，（冇睇過周星馳演孫悟空？）有，周星馳戲套套都有睇啦！」