大陸收花　周秀娜追求者眾　唔識「浙江劉」

性感女神周秀娜（娜姐）於微博自爆收藍玫瑰晒幸福，隨即被傳拍拖，該神秘包裹內藏十一支藍玫瑰花，還以十一隻Hello Kitty公仔綑邊，極有心思。十一支玫瑰寓言「一心一意」，藍玫瑰花語為「暗戀你」，而娜姐留言感謝這位「神秘劉生」：「謝謝神秘的劉先生，我會幸福開心。願你們也一樣。」吸引「路過」的江欣燕「爆料」説：「劉單？」有粉絲還留言謂：「女神別走」，認真搞笑！

隨後記者致電娜姐，她表示自己還是單身，問這位「神秘劉生」身份？她即自爆有好多追求者：「我唔肯定係邊個劉生。」問收藍玫瑰的心情？她說：「前日喺東莞出席樓盤剪綵活動，之後現場工作人員畀一個包裹我，話有人嚟唔到託佢交畀我。上面只係寫住浙江省瑞安市劉先生送，其他無寫。收到禮物好驚喜，有諗過係唔係之前認識嘅人，但唔肯定。」看來單是來自浙江的「劉」姓追求者已經不止一人！