傅嘉莉後悔浪費紙巾　以身作則響應環保

傅嘉莉（Kelly）以植樹大使身份出席活動，同行還有她的一班同門師弟妹。Kelly表示小時候十分浪費紙巾，擔任植樹大使可以彌補一下。她說：「屋企人話我係紙巾怪，我咩都用紙巾抹，我個人有少少潔癖，少少嘢都用紙巾抹，每日都用好多，又唔用毛巾。仲試過用紙巾圍住自己嚟扮木乃伊。到我十零歲時先開始意識到唔可以咁樣浪費紙巾，依家會用多啲毛巾，同埋將啲紙巾分開一半分兩次用。」

Kelly謂她之前曾在日本住了半年，當地人的環保意識很強，她也學會了垃圾分類，她說：「依家自己屋企有3個垃圾桶用嚟分類，同埋我會拎啲玻璃、報紙去回收，有時啲玻璃樽都會循環再用，好似我跑步就會自己帶玻璃樽裝檸檬水飲。唔用嘅電器都會熄咗去。」她希望呼籲更多人支持及響應環保。