大肚呂慧儀胃口大增變飯桶　想做米飯代言人

懷孕近五個月的無綫藝人呂慧儀（長腳蟹）身穿平底鞋到荃灣宣傳劇集《女人俱樂部》，獲老公黃文迪陪同到場，幸福滿瀉。

身穿鬆身衫的長腳蟹難掩肚凸凸及Big爆上圍，手腳及面部則仍未算暴漲，她表示大肚後胃口大增變飯桶，由以往只吃半碗飯，到現在可吃兩碗，已增磅十多磅，笑言想做米飯代言人，她說：「口味都轉咗，以前好鍾意食海鮮，依家唔想食，我呢排食好多飯，驚BB唔健康咋！我想自然分娩，醫生都叫我唔好食咁多嘢，忍口好辛苦呀！」問到「蟹籽」是仔還是女？她表示已照超聲波，但仍未確定，再過一段時間才由老公宣布。

她又指上圍至少升兩Cup，但笑言吃不消：「我想回復原狀呀！我係纖體代言人，生完一定要Keep番！」