李若彤拍《女人俱樂部》紅爆幼稚園

女藝人李若彤及李麗珍率領多位年輕版M Club成員陳嘉寶、糖妹（黃山怡）、陳瀅、吳燕安及賴慰玲，到荃灣宣傳劇集《女人俱樂部》。心情High爆的李若彤受訪時口若懸河，她表示拍劇後感受到電視的威力，不少市民爭相跟她分享劇情，姨甥女的朋友都認得出她，她說：「姨甥女每晚都問夠鐘未，好想睇我套劇，去到佢幼兒班，好多小朋友都認得我，話喺電視見到我！之前吳啟華上咗雜誌封面，姨甥女認得佢，指住佢話係我朋友！（咁開心，繼續拍劇？）唔知呀！要有啱角色，我都唔介意做人阿媽。（滿意《女》劇收視？）作為演員唔係好介意，好多朋友都話上網睇番，而且撞啱5.1假期，好多人旅行，希望之後收視繼續升！」

李若彤又笑言劇集勾起她很多兒時回憶，最深刻中二時暗戀老師：「我成日諗住佢，好傻，阿Sir走嗰陣，我送張合照畀佢，叫佢記得我，依家我都未必咁大膽。」