春卷豁出去　全裸拍片當閒事

李思捷前女友王宝宝（春卷）性格洋化，早前她在自資拍攝的微電影中僅穿內衣通街跑追電車，成為熱話，她自言拍戲冇底線，可接受全裸演出，但拒絕以不道德交易換取角色：「唔好以為做咗冇人知，做咗要預咗有人知！」　

春卷剝剩內衣褲追電車的報道出街後，遠在新加坡、泰國以至英國的朋友也看到，她笑言相熟的朋友根本不當一回事：「佢哋知道我乜都做得出，以前細個貪玩都試過做類似嘅嘢，更激都試過！不過外界反應好唔同，有人覺得我好勇，好欣賞，有人覺得我傻，自己出錢仲要做埋啲咁嘅嘢玩自己！」

堅拒整容

她認為微電影的性感尺度只屬小兒科，將來拍電影可以去得更盡，只要角色需要，全裸也不介意！她笑說：「《色，戒》嘅尺度都可以接受，因為我向來睇開性與暴力嘅電影，我寫劇本都係類似呢啲情節，所以唔覺係咩一回事。」在影圈向來是積極分子的她，自爆在電影《喜愛夜蒲3》的角色也是自薦得來，又覺得角色無分大小：「如果人哋覺得你個花瓶角色靚，都係有價值！（出賣自己換取角色？）一定唔得！太蠢囉！唔好似為做咗冇人知，做咗要預咗有人知！同埋唔接受整容，試過有代言要求我整容，我都拒絕！」但她笑稱接受出席飯局，雖不介意食飯，但拒絕有下文。

春卷正剪接微電影，另外還在撰寫兩個劇本，希望有機會拍成電影，問到有否向思捷請教？她說：「我畀過思捷睇，佢覺得好好，仲叫我畀個劇本佢拍，但我拒絕咗，我想搵個合適嘅人拍。」