曾志偉撐陳慧珊唔大牌：佢係專業演員

藝人曾志偉於尖沙咀亮相投資公司剪綵儀式。問到投資娛樂公司的他盛傳會與林峯及陳法拉簽約？他說：「林峯已經咁紅，唔使我捧，冇需要做佢經理人，大家未傾到咁詳細。總之佢嘅野我一定幫手。我想幫吓後生仔女（簽埋陳法拉？）唔算係，但佢好有上進心，對演藝事業不離不棄。」

問到有報道指演出無綫劇集《M Club》的陳慧珊「扮大牌」缺席宣傳活動？志偉稱與對方合作愉快：「唔好誤會，我同佢合作得非常開心，佢接拍我已經開心。因為佢想專心讀書考試，佢同我講過宣傳如果嚟唔到就唔好怪佢，佢能夠唔嚟就唔嚟。佢喺套劇裏面奸到出汁，我好欣賞佢！佢已經做晒要做嘅野，佢係個專業嘅演員。」