岑麗香晒半球辣跑兜風　想古仔送「鞋子」

岑麗香以低V裙現身銅鑼灣，出席鞋履手袋品牌活動，微露半球的她說：「少少性感，今日特登着鮮色啲，祝福新舖開張，我做足準備，黐晒膠紙。（酬勞加幾多？）公司處理，我唔知，我當然想加。」

獲古天樂駕着法拉利接載到場的香香，稱人生第一次坐法拉利，她說：「以前都係哥哥同爹哋車我，所以廿幾歲都未試過被男仔車。（想第時男友都要揸靚車接送？）唔一定，我想自己努力買我鍾意嘅車。」

香香又自爆是「鞋癡」，她說：「屋企有4個鞋櫃，超過50、60對鞋，細個試過被女仔蝦，攞咗我對鞋，所以我對鞋呢樣嘢好protective（保護的），唔會掉棄，搬屋都搬埋，所以有4個鞋櫃。（叫古仔送鞋畀你？）好呀！我會好好保護。」