伍詠薇被蔡一傑「上下其手」摸勻晒

藝人張智霖新歌《尋開心》MV已面世，並邀來其好友伍詠薇及蔡一傑友情客串，為咗配合歌曲表達男女之間的「歡愉之情」，伍姑娘以黑色性感內衣上陣拍MV，大騷驕人本錢！MV一開波，伍姑娘同蔡一傑已埋身激咀，更愈咀愈激，睇到人熱血沸騰！一輪「唇槍舌劍」的纏綿遊戲後，蔡一傑再嚟一招「上下其手」，意識大膽地摸勻伍姑娘胸部、大脾及玉背，真係咩都摸清晒！

而香豔程度爆燈嘅MV一出，老婆袁詠儀（靚靚）即在微博大讚兩位老友為自己老公「下海」：「兩位好友深情演出，對張先生的支持，真的無言感激！愛你們！」而一向豪爽嘅伍姑娘即回覆：「不用客氣。唔使講嘢，老友就是不用多講。永遠支持！」