賈曉晨自爆同樊少皇同居兩個月

久未露面的賈曉晨（JJ）出席活動，透露剛由北京返港：「去咗北京拍戲兩個月。」問到是否住男友樊少皇家？她說：「同佢住同一酒店，因為佢都係嗰度拍戲。」問到同居兩個月有冇計劃拉埋天窗？JJ先大笑，接住說：「其實拍拖都兩年幾，時間都唔短，有考慮呢個問題，不過依家大家都好忙，未有一個可以停落嚟諗呢件事。（有共識？）有，大家向呢個方向發展。」

問到是否已送求婚戒指？JJ說：「未，大家未得閒諗。」她透露有意在北京置業，問到是否兩份供樓？JJ說：「係諗住買，依家未係時候。（主力大陸發展？）只係簽咗大陸經理人公司，同無綫啱啱續咗約，如果香港有啱戲拍都會拍。」

剛推出新專輯的她透露特別抽空返港宣傳，問到是否住男友香港屋企？JJ否認說：「我喺香港有屋企，喺香港住咗十年，除咗拍戲外，會喺香港多啲，香港空氣都好啲。」