黃翠如蕭正楠傳同居　洪永城呻傷心

藝人黃翠如和洪永城今日出席「2014FIFA巴西世界盃」活動，翠如對於被指與蕭正楠（Edwin）同居，翠如支吾以對回應，表示要消化一吓事件，更謂：「了解咗先!（對方有冇聯絡你？）冇!（傳Edwin不停Message你？）去到咁私人嘢就唔回應啦！（平時回應緋聞都好大方，今次反應咁大分別？）希望了解咗先（話你瞓何傲芝舊床！）唔想回應！（唔排除發展空間？）要了解吓先，畀啲空間大家。」 而緋聞男友洪永城則愈幫愈忙，於訪問期間插嘴大讚二人郎才女貌，他謂：「兩個都單身，幾襯呀！畀啲空間人啦！（你咪好傷心？）係好傷心。」