田蕊妮為老公平反：佢準時又用心演戲

藝人田蕊妮出席簽唱會，獲父母及姪仔撐場。適逢母親節，阿田向在場媽媽送禮兼邀請在場媽媽上台合照，講到自己母親時阿田一度感性落淚。

阿田接受訪問時直言自己一向眼淺，又指少時間陪父母，故特別教父母用電話App聊天，一解相思之苦。阿田又指好希望搞簽唱會感激樂迷支持：「因為隻碟銷量比預期好，好想答謝歌迷，有諗過喺街邊搭個地方多謝買我碟歌迷，不過公司話會造成混亂。」

另外，提到老公杜汶澤被大陸網民發起罷睇他的電影，阿田指老公沒受影響，最重要她和老公一起過每一天。對於有大陸片商指阿澤無藝德，阿田說：「作為演員藝德應該係準時，同演好每個角色，我所認識嘅杜生好準時，仲好畀心機去演好每個角色，呢啲就係藝德。至於我哋對生活上有咩睇法，呢個係我哋自由。」