徐正曦力證周麗淇地位：在心中無可動搖

周麗淇（Niki）與男星徐正曦自撻着後，向來都對感情事相當低調，不過徐正曦突然一反常態，於微博直呼女友為自己的貴人，仲話對方喺佢心中地位唔會動搖，他表示︰「無需再猜測和懷疑我的想法，謠言是非毀害他人。你們永遠走不到我的世界，唯獨我的貴人周麗淇。貴在于價值高，貴在于重要性，貴在于珍惜，貴在于我心中的位置無可動搖。」之後佢仲叫人唔好幫佢哋表達一些佢哋無講過嘅說話。

徐正曦更在微博放上兩張相，一張是男女望海豚嘅相，另一張就係一個生日蛋糕相，因徐正曦本月5日生日，呢個蛋糕似係送畀佢嘅生日蛋糕。男方突然有感而發，而Niki嘅微博就未有更新，只係喺11小時前表示自己身在紐約準備做演唱會。