陳瀅三遇梁家輝：估唔到佢認得我

在TVB新劇《女人俱樂部》中飾演「少年版陳慧珊」的新進演員陳瀅（Jeannie），曾拍攝多部電影，更三度與影帝梁家輝合作，非常有緣！她大讚家輝哥為人友善，不會給對方壓力，毫無架子！她說：「我真係好好彩！可以同呢位影帝合作三次，第一次係《寒戰》，嗰次係我第一次拍戲，好緊張，咩都唔識，好記得家輝哥主動同我講嘢，原來佢有睇我個隱形眼鏡廣告，佢讚我對眼真係識得做戲喎！令我好開心！之後第二次同佢合作《迷離夜》，我扮演大肚婆，造型同平日好唔同，估唔到家輝哥仲認得我！最近就喺《盜馬記》飾演佢個女，佢鏡頭外都叫我阿女，好親切！」