蔡少芬等上機　微博訴苦水

開心嘅時間過得特別快，幸福媽媽蔡少芬（Ada）一過完一個快樂母親節，又要同家人小別一陣啦，因為佢要飛去北京繼續拍劇。不過可憐嘅Ada就遇上問題，要喺機場獨自等待上機，悶到冇朋友嘅Ada仲係微博上載了一張戴帽掩面的自拍照，大呻：「沒想到。 。 。我是29名。 。 。還要等28名。 。 。才到我飛。。。起碼。。。還要多等2個多小時要命啊！ 」最後Ada苦等接近五小時，終於都飛抵北京機場，就連佢都忍唔住要喺微博留言：「到了～北京！真感恩！」