蕭正楠為翠如BB破例講感情：佢唔係小三

藝人蕭正楠（Edwin）現身將軍澳電視城，為新劇《商戰》進行拍攝。以運動裝現身化妝間的他，見到記者即時微笑表示：「多謝關心先，尋晚睇到報道，覺得翠如要面對晒成件事好辛苦，所以出嚟講番。其實同佢係合作《師奶Madam》認識成為好朋友，合作中發現對方係好女，好純，而且拍劇好有默契，之後去咗歐洲都仲有聯繫，我哋係好朋友，希望大家幫幫手寫番好佢，佢依排都受咗好大壓力。」

問到與何傲芝的感情，Edwin表示：「我Single咗好耐，唔講以前，講感情嘅唔係我，唔鍾意講。」另外他又再次強調出來面對是因為黃翠如，他說：「知道有雜誌針對佢寫咗好多負面報道，所以出嚟講番依件事，希望畀返佢（黃翠如）一個公道，成日講佢嘅嘢好唔公平。自己唔講感情，佢亦唔係小三。（咁你追緊黃翠如又講？）大家係好朋友，無所謂，兩肋插刀！」

另外問到Edwin是否與翠如BB同居？他表示：「報道Over咗囉。（係咪同居？）唔講呢啲啦。（擔心影響女仔聲譽？）係想交代清楚，大家幫幫手。（何傲芝話佢好受傷？）件事未必係咁講，佢哋會cap啲說話。（同何傲芝仲係朋友？）係。」

為翠如BB甘願自封宅男

問翠如BB有何優點？Edwin發現話題回到「好友」身上立即甜笑表示：「唔使講都知啦，佢係宅男女神！我都係宅男，所以欣賞就一定有，同佢真係有默契，同埋佢真係好純，純得『好交關』！真係好少見好難得，所以我先咁大膽！希望有發展空間。（追咗人幾耐？）唔知，朋友唔講幾耐，仲係努力中！（擔心畀網友粉絲攻擊？）無所謂，希望大家畀啲空間，我都係宅男！」