鄭俊弘撐蕭正楠唔係賤男

歌手鄭俊弘（Fred）在電視城錄影節目《勁歌金曲》，透露七月推出新專輯，目前歌曲已錄得七七八八，稍後會拍唱片封套，並會走健康路線，問到會否騷肌？他笑謂：「唔會，但我都有啲嘅，（有方力申咁勁？）今朝跑步見到佢，好勤力，（有佢幾多成？）我都有四成，okay啦！幾年前拍學警嗰啲劇，角色係上進兼respect份工作，所以當時都有keep住做運動，但一拍完就冇keep喇！」

談到一起拍新劇《商戰》的蕭正楠（Edwin）和黃翠如傳緋聞，Fred表示今晚拍劇會慰問對方。提到Edwin被網友轟一腳踏兩船，問到會否擔心他形象受損？Fred力撐老友：「相信每個人都有佢嘅原因，希望每個人都開心係最緊要。（係咪網友所講嘅「賤男」？）梗係唔係啦！我同佢拍過幾套劇，覺得佢係個好男仔。（佢中間有單身？）冇問，上次一齊拍劇係《大太監》。」