林峯揭千語BB感冒好番　隨時錫得

藝人林峯與吳千語愛得痴纏，忙裏偷閒拍拖看藝術展，穿着熱褲的千語薄施脂粉騷長腿，發現記者即時戴上黑超，林峯護駕說：「我哋嚟行街咋喎，睇下嘢。」言畢二人四圍走，表示約朋友遲到了。問二人會否一同學藝術？林峯說：「嚟睇下啦！今次咁大型，（學啲手作DIY禮物送畀千語？）還番晒畀先生啦！」此時千語踢爆男友懂得繪畫。

早前千語透露感冒怕傳染男友，問是否已經康復？林峯即搶着答說：「好番好多啦！（咁依家係咪錫得？）講呢啲！」他又指演唱會仍在編排練舞蹈，故暫時未開始綵排。問到女友將開拍愛情片，會否介意有親熱鏡頭？他笑說：「都係做嘢啫！」