黃翠如搞掂蕭正楠班friend　地位鞏固！

行奶奶政策就得多，但係識得行男朋友身邊嘅兄弟政策都好緊要o架！之前蕭正楠（Edwin）同黃翠如嘅「如楠戀」成為全城熱話，仲搞到形象健康嘅翠如畀人鬧小三o添！搞到Edwin鬼咁緊張，即郂出嚟向翠如示愛，翠如仲以「你總是奮不顧身」暗蓄回應Edwin的表白，但二人關係總算向前邁進一大步。

翠如今日喺微博同Edwin好友曹永廉互相取笑，能夠跟男方的好朋友打成一片，看來翠如行兄弟政策非常成功！事緣她在微博上載自己主持節目的截圖，並留言否認自己是「瘀血」，誰知Edwin的好友曹永廉就加把嘴回應：「原來田七就可以對付妳（田七去瘀血）。」除了互相寸對方之外，翠如又非常關心曹永廉女兒的情況。因為曹永廉在微博分享：「看見自己孩子抽血，感覺刺了自已萬刀，真心痛！希望大家身體健康！」Edwin及翠如見罷便分別留言安慰曹永廉，可見翠如得到Edwin身邊人嘅認同，難怪Edwin錫到佢燶啦！