歐倩怡同安仔約法三章　安頓囝囝再讀書

歐倩怡出席品牌活動，她表示忙湊仔女，早前更忙於幫升小一的大仔找小學及面試，細女亦忙找幼稚園，她說：「已經過咗最忙嘅時間，最開心囝囝入讀到心儀小學，安仔（老公郭晉安）話咁開心要放假充電。9月入學就再忙過。」她直言自己原想修讀完Marketing學位課程後，再讀碩士，但被老公叫停，她說：「安仔同我約法三章，因囝囝升小一，要安頓咗先，原先我Plan囝囝入小一前要完成晒學業。」她笑言囝囝好識氹人，見得爸爸多就會話最愛爸爸，而媽媽是第二位，見得多媽媽就會媽媽排第一位。