河國榮晒中國詩句：守得雲開見月明

曾為電視劇藝員的河國榮以「星級英語導師」身分獲邀出席選美活動啓動禮，同場有前亞姐楊玉梅及歌手麥潔文，提到大會欣賞他熱愛中國文化，居港多年的他直言不覺得與港人有分別：「我鍾意香港人，鍾意香港地方，鍾意飲奶茶，唔覺得有咩特別，27年前嚟香港都慣晒。」

對於今日520象徵「我愛你」，他笑言完全不知道這意思，又透露與大太最浪漫的事要數到三十年前：「結婚20幾年，最浪漫嘅野都三十年前喇，同埋以前拍拖喺生活上都遇過困難，有次去赤柱沙灘拍拖，天空上有啲雲，無耐就無咗，真係守得雲開見月明。」對於喬寶寶早前透露曾介紹他給黑妹，河國榮大讚對方有心：「4年前嘅事，佢好有心，其實布偉傑都係，我哋三個鬼佬都互相合作。」