翠如BB十問九唔應　話自己係讀者

藝人黃翠如出席世界盃活動，受緋聞困擾多時的她被問到最近心情如何？她表示還可以，被指將秘密結婚的她說：「自己都似讀者，每日follow劇情咁，依家版本比想像中豐富，（事件影響你同蕭正楠感情？）私人事唔回應，我哋有聯絡，（影響交往？）我想要簡單生活。（何傲芝有新戀情？）人哋嘅事唔答啦！」

多謝珍姐

被踢爆拍拖後獲高層曾勵珍力撐，她指感謝疼錫她的人，被問事件發生後，Edwin有否安慰她？她說：「OK啦！我都係做呢行都明白，就當故事咁睇，（微博傳情？）唔回應！（想結婚？）無諗過，我只係想過簡單生活，開心，（閃婚？）無諗過，（未遇到人選？）依家想工作，工作上有未完成嘅任務！（發生事情令你哋行耐啲？）我想維持依家嘅生活，簡單啲，開心啲！」又指公司沒有給予壓力。

至於穩定後會否公開戀情？她表示這問題很深，又表示不是有計劃的人，未想過同居，結婚或者閃婚。至於得到Edwin的力撐會否令她加分？她說：「感激！（幾耐無拍拖？）真係唔答啦！」