發哥「一句話」　李若彤決意復出拍劇

已有十年無拍劇的李若彤最近復出為無綫主演《M Club》並到電台宣傳，談到復出原因李若彤話其實背後有段故事：「有次喺飛機撞到發哥（周潤發），同佢傾咗陣偈。佢覺得我係搵緊藉口唔做嘢，後尾講咗句『人點可以唔做嘢？』無耐我就撞到曾志偉，佢問我拍唔拍戲，我以為佢講下，所以就隨口答佢好，結果佢4個月後就叫我拍M Club。」李若彤又言其實一開始不打算拍，但有晚發夢夢見自己拍戲好開心，所以就決定要接拍M Club。