與Aka半年情玩完　吳業坤：冇錢冇發展

組合Super Girls繼早前被本報獨家踢爆成員Heidi（李靜儀）暗撻「富二代」監製Gareth Chan後，原來擁有42吋長腿的隊長Aka（趙慧珊）去年底秘戀「巨聲幫」吳業坤（坤哥），為怕「見光死」兼影響事業，兩人選擇發展地下情，多留在男方家短聚，據知，Aka近日厭棄男友無錢無勢提出分手，令半年情玩完。

Aka一聽到「坤哥」兩字即靜了三秒，並早有準備說：「我依家單身，點講好呢？之前係好朋友。（劈腿？）我冇回應。」並默認分手：「大家冇搵一排。」對於上坤哥屋企？Aka以上去學結他為由作解釋。而遭拋棄的坤哥對於「分手」支吾以對說：「唔係呀。（拍過拖？）係有Close過。（Aka上過你屋企？）嚟學結他。（地下情？）冇錢冇得玩。」

自認窮鬼的坤哥透露連車都冇錢養：「依家車都冇揸。（因為你冇錢Aka先飛你？）唔係飛，只係冇錢冇得選擇發展。」隨即戲言對「女神」吳若希（Jinny）有好感，更叫記者牽紅線，與坤哥老友鬼鬼的Jinny則玩埋一份，笑說：「Welcome。（如果追妳會接受？）坤哥好就得人，相信係好好男友。」而籃球隊友兼好兄弟的胡鴻鈞坦言不知坤哥失戀，更抵死說：「對方一向屎波，所以練波時唔見佢有異樣。」