田蕊妮減磨擦少見杜汶澤

田蕊妮早前接受DJ李國能節目訪問時，分享不少與老公杜汶澤的夫妻相處之道，她說：「大家好珍惜彼此關係，我哋兩個好簡單，一齊唔會特別驚喜、浪漫，我好驚要刻意營造一啲嘢，反而注重生活細節，例如佢為我煮吓早餐，我又煲吓湯咁。」

她又表示當兩人有意見分歧時，都會採取沉默是金的政策：「我哋有咩事都係商量多，當意見唔啱，嗰吓會好嬲，大家都唔會傾住，等冷靜咗先傾，我哋係「朋友底」。（邊個認低威先？）睇吓邊個得閒先，我哋呢排都好少見，依家佢仲爭我一餐飯，我哋打賭邊個拎「奧斯卡金像獎女主角」，結果我估中咗。近幾年真係少咗好多拗撬，可能見少啲，大家冇咁留意對方，冇咁睇唔過眼啦，哈哈！」