陳凱琳自爆選港姐宵夜照食

港姐陳凱琳為J2節目《搵食飯團》於銅鑼灣食肆錄影，每次為節目錄影都大大啖試食的她，被問到有否因而增磅？她表示未有上過磅，從未刻意節食的她靠做運動維持健康，加上錄影時間大部分都在早上、中午，因此未有為體重擔心過。

問到是否因未卸任港姐而要Keep fit？她說：「其實選嗰時都有約埋一齊食宵夜，食嘢要食得開心，如果吓吓就住就連Mood都無埋！所以拍節目嗰時我都大大啖食！咁樣做出嚟嘅效果先可以知道係好食！」

目前正拍攝新劇《商戰》的她，已開工個半月，與胡定欣、陳國邦對手戲較多，感激陳國邦教她演內心戲，她說：「佢睇得出你想學，佢就會肯教！（請佢飲茶？）依家未有時間！一定會！」被問是否適應拍劇？她說：「初時會唔習慣，試過夜晚九點開廠到凌晨四點，如果講辛苦都係呢啲時間上嘅辛苦！」